Tuesday, June 11, 2013

'காவல்கோட்டம்

(Apr  10, 2012)

'காவல்கோட்டம்' வாசித்து முடித்துவிட்டேன். வரலாற்று நாவல்கள் மீது அவ்வளவு ஈர்ப்பில்லாத என்னையே (சாண்டியனில் வரலாற்று நாவல்கள் ஒருகாலத்தில் பிடிக்கும், அதற்கு வேறு காரணம் உண்டு :) ) ஆயிரம் பக்கங்கள் வரை சுவாரசியமாக வாசிக்கச் செய்திருந்தது. இடதுசாரிகளுக்கு அவ்வளவு எளிதில் வாய்க்காத ஒரு மொழி வெங்கடேசனுக்கு வாய்த்திருப்பது இன்னொரு ஆச்சரியம். அரவான் படத்தை இந்நாவலோடு ஒப்பிட்டு ஒப்பிட்டு பார்த்தது ஒரு சுவாரசியமான விளையாட்டுப் போலிருந்தது. அரவானின் இடைவேளைக்குப் பிறகான சின்னானின் கதை இந்நாவலிலிருந்து முற்றுமுழுதாக வேறுபட்டது என்பது வேறுவிடயம். வாசித்துவிட்டுக் கொடுத்தார்களோ இல்லை வாசிக்காமல் கொடுத்தார்களோஅல்லது நாகர்கோயிலில் இருந்து வந்த தொலைபேசியின் அழைப்பின் பிரகாரம் கொடுத்தார்களோ தெரியாது. ஆனால் நாவலிற்கான இயல்விருதை காவல்கோட்டத்திகுக் கொடுத்தது பொருத்தமானதே.

No comments:

Post a Comment